| Ledscha d’impostas, revisiun totala
M I S S I V A per la votumaziun cumünala dals 1. gün 2008
Stimadas votantas e stimats votants
La constituziun chantunala valabla nu cuntegna ingüna regulaziun chi po gnir applichada directamaing e chi permetta als cumüns da far valair üna suveranità fiscala. Per pudair delegar quella als cumüns politics ha il grond cussagl deliberà als 31 avuost 2006 üna ledscha davart las impostas cumünalas e da la baselgia (LTCTB). Tala ha da gnir applichada directamaing als 1. schner 2009.
Culla LTCTB sun gnüdas normadas las regulaziuns pro’ls differents geners d’imposta sco l’imposta sün l’entrada e sül possess, l’imposta sül guadogn our da la vendita da bains immobigliars, l’imposta sün immobiglias e da müdaman, l’imposta sülla ierta e sün donaziuns e la taxa da cura e la taxa per promover il turissem.
La LTCTB nu rimplazza la ledscha d’impostas cumünala. Tala vain però causa la LTCTB ad esser bler plü cuorta.
Il cumün nu po plü inchaschar la taxa d’economia e l’imposta persunala. Quai ha per consequenza ün damain d’entradas da raduond fr. 20'000.--. Plünavant nun esa neir bricha cler cun quant damain entradas implü chi’d es da far quaint causa la revisiun da la ledscha chantunala. Perquai es il Cussagl da l’avis dad augmentar l’imposta fundiaria da uossa 1 %o sün 1,5 %o. In quist cas po inchaschar il cumün bundant fr. 85'000.-- l’on daplü.
Il Cussagl da cumün arcumonda perquai d’approvar la revisiun totala da la ledscha d’imopstas tenor la descripziun da la missiva e la preschantaziun dals 1. avrigl 2008.
Vair proposta da la revisiun totala da la ledscha quia
|
|
|
15.05.2008 :: 2600 Views :: Chancellaria
|
 |
|