| Acziun stüder las glüms! Per nos clima
Il cussagl cumünal da Ftan ha decis spontanamaing da sustgnair l'acziun lantschada dal Blick e'l Sonntagsblick insembel cun gasettas dal di da la Germania e da l'Austria e'ls partenaris WWF, Greenpeace, Google, Pro Natura ed oters plü. Sustgnüda
vegn l'acziun eir da bleras firmas sco p. ex. Axpo, Coop, Kuoni, UBS,
CS, Swisscom, Raiffeisen e.u.i., da tuot il principadi dal
Liechtenstein e bleras citats in tuot la svizra, t.o. eir da la cità da
Cuoira. In Engiadina Bassa as partecipeschan sper il cumün da Ftan eir
ils cumüns da Scuol, Tarasp, Ardez, Sent, Ramosch e Tschlin.
Pro
quist'acziun nu's tratta da vulair spargnar energia, id es surtuot ün
act simbolic chi dess dar ün segn in occasiun da la conferenza mundiala
pel clima chi'd ha lö düront quists dis a Bali.
L'acziun prevezza da
stüder las glüms per 5 minutas
sonda, als 8 december 2007 a las 20:00.
Il
cussagl cumünal invida amiaivelmaing a tuot la populaziun da Ftan da's
partecipar a quist'acziun per ch'ella possa dvantar il success
giavüschà dals iniziants.
Ftan, 6 december 2007 Il cussagl cumünal da Ftan
|