| Olimpiada e cuorsa da skis, 27 marz 10
Ün tschêl blau eir quist on per nossa olimpiada cun cuorsa da skis.
Chi vess spettà la fin da marz da quistas realziuns da naiv! Tuot ils scolars han ragiunt il böt dals duos percuors dal slalom gigantesc.
Il bun giantar i’l Prümaran Prui, preparà da Fadri Caprez, ha gustà eir quist on.
Davomezdi han las gruppas fat lur stafettas. Minchün laiva far il meglder pussibel cun schlischar giò per la costa. E fingià spettaiva la schlitra per cuorrer da la pista sü. Che schaschin! E guai scha la schlitra nu d’eira missa bain in posiziun, lura as ris-chaiva da rivar aint illa naiv lomma. Uossa laiva bun puls per metter sü ils drets vierchelins süllas butiglias. Ed inavant cul ski da gruppa, ingio cha minchün staiva tour resguard per rivar pro las frizzinas. La mira ha decis, co chi va oura la stafetta.
Il scumpart da premis es stat a las 16.00 sün plazza da scoula.
Grazcha a tuot ils genituors, al cussagl da scoula ed als magisters chi han güdà, han ils uffants e’ls aspectatuors pudü giodair il bel di.
|
|
|
29.03.2010 :: 1458 Views :: Scoula
|
 |
|