| Davomezdi da sport da la scoula e la scoulina
La scoula e scoulina da Ftan han gnü ils prüms november il davomezdi da sport in fuorma da concurrenza da gruppas. Las gruppas dad adüna 3 scolars d’eiran gnüdas partidas aint fingià in settember. Davo vaina gnü da spostar plüssas jadas il davomezdi.
Ma hoz s’ha la tschiera retratta per gronda furtüna e no vain pudü far nos davomezdi da sport e gö.
Fingià avantmezdi han ils scolars da 4. – 6. classa cumanzà a metter sü posts e preparar il tè e la marendina.
A las 13.30 vaina pudü salüdar a duonna Corina Riatsch dad Ardez. Ella ans ha muossà ün sottin per s-chodar aint ed ans ha declarà il parcuors. Mincha gruppa ha provà da ramassar tants puncts sco pussibel vi dals 12 posts. A las 16.00 vaina fat marenda ed amo üna jada il sottin e cun ün güvel enorm uehh! eschan tuots tuornats cuntaints a chasa. Da quists dis da scoula pudessa dar amo plü suvent!!
Fotografias
|