A Ftan festagiaina Chalandamarz differentamaing da tschels cumüns.

Talocs as doda il venderdi avant Chalandamarz dals uffants da scoulina.

L’üsanza es d’origen pajan e sumaglia ad ün cortegi da carneval. Avantmezdi van ils mats tras cumün e davomezdi ils homens giuvens. Els sun mascrats e portan cun sai vaschias da porchs sofladas sü. Cun quellas dan els a las mattas ed als creschüts. Para cha quai d’eira ün ritual da früttaivlezza.

Las mattas sun fingià eivnas avant Chalandamarz occupadas cun chattar ün bun zop per observar las mascras sainza gnir vissas.

Tuot ils indigens sun plain entusiassem da la partida e giodan ils milli confettis e l’atmosfera speciala.

Fotografias